GJAKOVA ME NJË RRUGË TË RE, NJË TJETËR FILLON NDËRTIMIN

24/10/2018 Institucionet

Ministri i Infrastrukturës Pal Lekaj, bashkë me kryetarin e Gjakovës Ardian Gjini dhe deputeten Teuta Haxhiu, të mërkurën inauguroi rrugën Gjakovë – Ponoshec dhe mori pjesë në fillimin e punimeve në rrugën Smolicë-Nivokaz. Rikonstruimi i rrugës Gjakovë-Ponoshec me gjatësi mbi 11 kilometra, ka kushtuar mbi 800 mijë euro, ndërsa rruga Junik-Ponoshec, e gjatë mbi 8 kilometra do të riparohet me kosto mbi 25 mijë euro. Rruga e re Smolicë – Nivokaz me gjatësi prej 6 kilometra do t’i kushtojë Ministrisë së Infrastrukturës rreth 730 mijë euro. Ndërkaq edhe në urën e Rekës së Keqe, e cila ka gjatësi mbi 670 metra dhe kosto mbi 500 mijë euro, po punohet me intensitet të shtuar në mënyrë që banorët e fshatrave të kësaj ane të lidhen me qytetin e Gjakovës. Ministri Lekaj duke u prononcuar para mediave tha se këto rrugë janë të  rëndësishme pasi lidhin dy shtetet shqiptare dhe se ky është mesazh që Qeveria e Haradinaj dhe MI-ja po i kryejnë punët e veta. I pari i dikasterit të infrastrukturës ka potencuar se ky vit është  i suksesit ngase po investohet ngado në infrastrukturë me standarde të larta. Ai tha se këto nuk do të jenë projektet e vetme për Gjakovën dhe komunat e vendit, meqë me investime në nivelin lokal ndihmohet zhvillimit ekonomik e lëvizja e lirë e qytetarëve dhe mallrave. Kurse kryetari i Gjakovës Ardian Gjini, duke e falënderuar ministrin Pal Lekaj dhe MI-në për mbështetjen e madhe dhe të shpejtë në kompletimin e këtyre projekteve, tha se këto projekte janë për qytetarët dhe tregues i mirë se zotimet e dhëna nga ministri Lekaj dhe ai si kryetar po bëhen realitet.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara