Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë një replike në Kuvendin e Kosovës, kryetari i LDK-së, Lumir Abdixhiku, ia ka numëruar Albin Kurtit kauzat e rreme dhe mashtrimet. Ai iu ka drejtuar me fjalët: Unë nuk e mbaj barrën që kanë vdekur njerëz për kauzën time politike. Nuk e kam barrën që e kanë kallë një Kosovë të tërë. Nuk e kam barrën për ndonjë kauzë që e kam shkelë. Nuk e kam barrën që i kam quajtur njerëzit tradhtarë dhe që i kam rrezikuar jetën e tyre. Nuk e kam barrën që i kam hangër të gjitha qershiat një nga një. Nuk e kam barrën që e kam rrezikuar vendin dhe të ardhmen e vendit për shumë vite. Unë jam shumë i qetë në këtë drejtim por, pse ti duhesh ta ballafaqosh me vetën e të kaluarën tënde, kjo është brengë për ty se si e ballafaqon vetën dhe kauzën tënde me këtë përfundim të padinjitetshëm të pozicionit politik. Tani, dëgjo mirë se po duhet të kalojnë dhjetë vite për të kuptuar se obligimet ndërkombëtare janë obligime shtetare. Dëgjo mirë se, vetëmeanxhimi i komunitetit serb, sipas instrumenteve të BE-së është vetëmenaxhim sipas kartës për vetëqeverisjes lokale, është autonomi, dhe statusi politik për Kishën Ortodokse Serbe është status politik. Këto janë brengat e Albin Kurtit, dhe jo ofendimet që i bën ndaj meje, sepse ato nuk kanë fare rëndësi, ka thënë mes tjerash, Lumir Abdixhiku.
