Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjenerali shqiptar-vrasës i Ushtrisë Jugosllave, Bozhidar Deliq, komandant i Brigadës 549 të Motorizuar të Serbisë, gjatë luftës së viteve 1998-1999, e cila ishte përfshirë në disa nga sulmet më vrastare kundër banorëve të fshatrave në Kosovë në vitin 1999, u zgjodh, njëri nga nënkryetarët e Kuvendit të Serbisë. Deliç u propozua për postin si kandidat i koalicionit të djathtë të opozitës NADA. Ai u zgjodh me 197 vota, ku përfshiheshin vota nga partitë në pushtet dhe ato opozitare. OJQ-ja Fondi për të Drejtën Humanitare publikoi një dosje në vitin 2013 që përmban dokumentacionin më të plotë deri më tani të tetë ofensivave ushtarake që përfshinin Brigadën 549 të Ushtrisë Jugosllave në fshatrat e Kosovës në mars dhe prill 1999, të cilat rezultuan në gjithsej 885 të vrarë. Në një sulm në fshatrat Mejë dhe Korenicë më 27 prill 1999, trupat, policia dhe paraushtarakët, përfshirë ushtarë të Brigadës 549, vranë të paktën 377 civilë, 36 prej të cilëve ishin nën 18 vjeç.
Zyra e prokurorit serb për krimet e luftës në vitin 2013 bëri të ditur se Deliç ka qenë nën hetim më shumë se një herë, por ai nuk u padit kurrë. Ai nuk e ka mohuar kurrë se ka qenë komandant i Brigadës 549. “Unë e dija se çfarë po ndodhte në zonën time të përgjegjësisë. Kam qenë gjithmonë në vijën e parë të sulmit”, tha Deliç në Gjykatën Penale Ndërkombëtare për ish-Jugosllavinë, duke pretenduar megjithatë se ai “nuk kishte njohuri për vrasjet masive të shqiptarëve”.
Duke folur për një sulm tjetër të Ushtrisë Jugosllave në fshatin Landovicë më 26 mars 1999, Deliç i tha Komisionit Serb për Bashkëpunim me GJPNJ-në se sulmi ishte nisur si përgjigje ndaj vrasjes së ushtarëve të tij nga Ushtria Çlirimtare e Kosovës.
“Unë urdhërova angazhimin e një skuadroni të tërë ushtrie… dhe urdhërova majorin Nikoliç të dërgonte një tank”, shkroi Deliç në një deklaratë për komisionin, duke shpjeguar se fshati ishte një bazë për “terroristët”.
Deliç doli në pension në 2005 dhe më vonë u bë anëtar i Partisë Radikale Serbe Nacionaliste. Kur Tomislav Nikoliç dhe Aleksandër Vuçiç, të cilët të dy më vonë do të shërbenin si president i Serbisë, u larguan nga Partia Radikale dhe krijuan Partinë Progresive Serbe, Deliç ishte një nga njerëzit që iu bashkua atyre.
Megjithatë, ai u largua nga Partia Progresive në 2011 dhe u kthye në Partinë Radikale, por më pas u largua përsëri në 2020.
Ndërsa ishte në detyrë, presidenti Sllobodan Millosheviç nderoi Brigadën 549 për rolin e saj në luftën në Kosovë, duke i dhënë brigadës medaljen Hero i Popullit për “mbrojtjen heroike të vendit”
