Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadori i Kosovës në Maqedoninë e Veriut, Gjergj Dedaj, ka reaguar në lidhje me aktakuzën që i është ngritur nën pretekstin se ka kërcënuar, Vjosa Osmanin. Ai ka mohuar kategorikisht te ketë kërcënuar Osmanin të cilën e ka akuzuar se e ka lënë pa punë tash e tri vjet, duke e shkarkuar nga pozita e ambasadorit në Shkup. Unë asnjëherë nuk e kam kërcënuar as kanosur askënd dhe më së paku një grua as me fjalë, as me ligj as me kanun, sepse po të isha i tillë ajo nuk do më kishte shkarkuar as nuk do të keqpërdorte pushtetin dhe ligjin për aktakuza të rrejshme politike dhe bolshevike ndaj meje”, ka shkruar Dedaj, duke shtuar nëse vërtetë ka drejtësi në Kosovë, Osmani një ditë ka për të dhënë llogari para ligjit.
Ngritja e shpifur, e sajuar dhe e porositur e aktakuzës së Vjosa Osmanit, ndaj meje në emër të Prokurorisë Themelore të Prishtinës, është një akt i shëmtuar, hakmarrës dhe linçues, i cili ka për qëllim mjegullimin e dështimeve të kësaj asistente për falimentimin e politikës së jashtme, të partneritetit euroatlantik dhe të diplomacisë së Kosovës, ka shkruar mes tjerash, në reagimin e tij, Gjergj Dedaj.
