Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadori i Kosovës, Gjergj Dedaj, ka bërë thirrje për një bashkim të opozitës, duke theksuar se ky është një hap i domosdoshëm për forcimin e perspektivës euroatlantike të Kosovës. Çdo koalicion me Lëvizjen Vetëvendosje është një veprim i dëmshëm, që forcon antiamerikanizmin në vend dhe i vë në rrezik marrëdhëniet e Kosovës me SHBA-të, BE-në dhe NATO-n. Ai ka theksuar se ata që janë kundër SHBA-së, BE-së dhe NATO-s, në të vërtetë mbështesin agjenda që kërcënojnë ekzistencën e shtetit të Kosovës dhe integrimin e saj në strukturat euroatlantike. Ai ka paralajmëruar se çdo subjekt opozitar që bashkohet me LV-në, do të shtyjë Kosovën drejt një “agonie” dhe do të pengojë rrugën e saj për zhvillim dhe integrim në Bashkimin Evropian dhe NATO. Dedaj i ka bërë thirrje opozitës të mbajë një qëndrim të qartë pro-perëndimor dhe të bashkohet për të mbrojtur interesat më të larta të Kosovës dhe qytetarëve të saj.
