Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtoria e Bujqësisë e Komunës së Gjilanit ka kërkuar mbështetje nga Ministria e Bujqësisë, Pylltarisë dhe Zhvillimit Rural në vlerë prej 45 mijë euro, për t’ua kompensuar bujqve dëmet të shkaktuara nga breshëri më 14 dhe 26 qershor. Ramiz Ramdani nga kjo drejtori, ka thënë se Komuna nuk ka mundësi t’ua kompensojë shumën e kërkuar, andaj i janë drejtuar ministrisë përkatëse. Ai theksoi se menjëherë pas rënies së breshrit, ka themeluar komisionin profesional, i cili pas vizitave në terren ka konstatuar se dëmet janë të konsiderueshme dhe i janë dokumentuar Ministrisë së Bujqësisë. Ramadani shpreson se kjo kërkesë do të merret parasysh, në mënyrë që t’i dilet në ndihmë bujqve të dëmtuar të komunës së Gjilanit, të cilët jetojnë nga kjo veprimtari.
