Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i vendit, Isa Mustafa, sërish iu ka kthyer komunikimit me qytetarët përmes “fejsbukut” ku shpeshherë ka degradur në një gjuhë të pamatur e krejt të pakulturuar. Ai me këtë rast ka shkruar se opozita edhe përkundër dëmeve, që sipas tij i paska shkaktuar vendit për një periudhë të gjatë, qenka më mirë të pranojë se kishte kauzë false e të kthehet në Kuvend. “Më mirë është të pranohet gabimi se sa të insistohet në gabimet për ta dëmtuar vendin. Kosova nuk e meriton dhunën. Policët e Kosovës, djemtë tanë dhe nuk ka askush të drejtë t’i gjuajë dhe t’i plagosë me gurë e t’ua vë flakën me shishe molotovi. Kosovës i nevojitet opozitë demokratike, opozitë e argumenteve. Njerëzit e opozitës sonë mund të jenë të tillë. Por, duhet të heqin dorë nga dhuna!”, ka shkruar Mustafa pa përmendur shkaqet e vërteta të protestave, duke anashkaluar numrin e të rrahurve, të plagosurve e të arrestuarve nga radhët e protestuesve, për të cilët ai nuk flet asnjë fjalë as shpreh keqardhje. Gjuha dhe kualifikimi që Mustafa iu bën protestave, nuk ka ndërruar qysh prej vitit 1981, kur ishte në ballë të luftës kundër kërkesave për Kosovën Republikë.
