Gjurgjevik i Vogël së shpejti me rrjetin e kanalizimt

31/07/2017 Institucionet

Në fshatin Gjurgjevik i Vogël të komunës së Klinës, kanë nisur punimet për ndërtimin e kanalizimit për trajtimin e ujërave të zeza. Ky fshat numëron rreth 100 shtëpi me mbi 600 banorë të cilët tash e tutje nuk do të jetojnë me frikën e ndotjes së bunarëve të tyre prej nga furnizohen më ujë të pijshëm. I tërë projekti është 5.600 metra dhe ka kushtuar 62 mijë euro. Në ceremoninë e fillimit zyrtar të punimeve, kryetari i Komunës së Klinës, Sokol Bashota ka uruar gjithë banorët për ketë projekt dhe ka premtuar edhe asfaltimin e rrugëve në këtë fshat që është edhe paralagje e qytetit të Klinës.

“Sot është një ditë e veçante për banorët e këtij fshati dhe për strukturat e pushtetit lokal ngase po kemi mundësi për të realizuar një projekt i cili është në interes dhe shërbim të qytetarëve. Me këtë projekt krijohet një ambient shumë me i pastër dhe hiqet mundësia e kontaminimit të bunarëve të familjeve të këtij fshati. Të jeni shumë të sigurt se pas këtij projekti do të punohet edhe në asfaltimin e rrugëve të këtij fshati”, u ka thënë banorëve të Gjurgjevikut, kryetari Bashota.

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara