Drejtori i të ashtuquajturës Zyrë për Kosovën në Qeverinë e Serbisë, Marko Gjuriq, ka deklaruar se Universiteti paralel i Prishtinës me seli në Mitrovicë, përbën një nga shtyllat e mbetjes së serbëve në Kosovë. Ai citohet të ketë thënë se për fatin e këtij universiteti “me përkrahje të Serbisë do të vendos vetëm bashkësia akademike, profesorët e studentët dhe ata që e përbëjnë këtë universitet”. Duke folur për komisionin e themeluar nga Qeveria e Kosovës që do të merret me këtë universitet, Gjuriq ka thënë se Prishtina nuk duhet të merret me çështje që nuk janë në kompetencën e saj. “Ky universitet është plotësisht në kompetencë të Republikës së Serbisë dhe do të mbetet në kompetencë të Republikës së Serbisë”, ka theksuar Gjuriq.
Kontrolloni gjithashtu
INPO: Vetëm 10.71% e tenderëve të planifikuar në pesë ministri kanë përfunduar me kontrata
Organizata INPO ka publikuar një raport që tregon se vetëm 10.71 për qind e tenderëve …