Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata e Hagës konfirmon se Prokuroria ka përfunduar rastin e saj në procesin ndaj Hashim Thaçit, Kadri Veselit, Jakup Krasniqit dhe Rexhep Selimit. Sipas zëdhënëses Angela Griep, gjatë seancave janë dëshmuar 125 dëshmitarë, ndërsa 117 të tjerë kanë paraqitur dëshmitë e tyre me shkrim. Gjatë procesit të gjykimit janë realizuar 206 ditë gjykimi dhe janë dëshmuar 150 viktima. Griep theksoi se gjyqtarët po sigurojnë një gjykim të drejtë, duke ndjekur një procedurë të etikës dhe kodeve, dhe se çdo i akuzuar ka të drejtë të apelojë vendimet e gjykatës. Ajo shtoi se gjykata po fokusohet në krimet individuale dhe jo në përgjegjësinë kolektive. Zëdhënësi tjetër, Michael Doyle, i bëri thirrje qytetarëve të Kosovës të besojnë në drejtësinë e Gjykatës Speciale, duke theksuar se vendimet do të bazohen vetëm në prova. Ai theksoi rëndësinë që viktimat të mund të dëshmojnë me dinjitet dhe se procesi i gjykatës ka për qëllim ndihmën për të arritur të vërtetën.
