Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Themelore në Prishtinë ka lëshuar letër-rreshtim ndërkombëtar për 42 persona të akuzuar në rastin ‘Banjska’, përfshirë Millan Radoiçiqin, i cili publikisht ka marrë përgjegjësinë për organizimin e sulmit të armatosur në veri të Kosovës. Ky vendim është marrë për të siguruar prezencën e të akuzuarve në procedurat gjyqësore, pasi shumica prej tyre ndodhen aktualisht në arrati. Të akuzuarit përballen me akuza të rënda penale, si terrorizëm dhe financim të terrorizmit, ndërsa autoritetet kosovare po koordinojnë veprimet me partnerët ndërkombëtarë për ndalimin dhe ekstradimin e tyre. Prokuroria Speciale e Kosovës ka ritheksuar rëndësinë e nisjes së procesit edhe ndaj të pandehurve në mungesë, por gjykatësi ka kërkuar mendim juridik nga Gjykata Supreme për mundësinë ligjore të gjykimit pa praninë e tyre fizike. Procesi mbetet pezull deri në një vendim të mëtejshëm, ndërsa tre të akuzuar që janë të pranishëm – Tolliq, Spasojeviq dhe Maksimoviq – kanë refuzuar ose mohuar fajësinë gjatë seancave paraprake.
