Gjykata serbe në Kralevë ka marrë vendim për lirimin e tre policëve të Kosovës që ishin rrëmbyer nga forcat serbe, më 14 qershor 2023. Policët e Njësisë Speciale të Kosovës: Rifat Zeka, Beqir Sefa e Mustafë Shemi, ishin arrestuar më 14 qershor, nga policia e Serbisë, me pretendimin se kishin hyrë pa leje brenda kufirit të Serbisë. Policia e Kosovës në kohën kur kishte konfirmuar arrestimin e tyre nga forcat serbe kishte thënë se “njësia policore patrulluese e kufirit ka qenë me detyre në pikë statike në vendin e quajtur Bare, thellë brenda në territorin e Republikës së Kosovës, për të parandaluar shfrytëzimin e rrugëve ilegale, të cilat shfrytëzoheshin nga grupet kriminale për kalim ilegal dhe kontrabandë”. Arrestimi i tre policëve kishte nxitur reagime të shumta në vend, ku u kërkua lirimi i menjëhershëm dhe pa kushte. Lirimin e tre policëve e kishin kërkuar Bashkimi Evropian dhe Shtetet e Bashkuara të Amerikës.
Kontrolloni gjithashtu
Gjykata Speciale cakton panelin e gjyqtarëve, lidhur me shqyrtimin e kërkesës së Haxhi Shalës për mbrojtje ligjore
Dje më 19 shtator, kryetarja e Gjykatës Speciale, Ekaterina Trendafilova, ka caktuar Panelin e Gjykatës …