Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritete të Gjykatës Speciale kanë bërë të ditur se në rastin penal, kundër, Hashim Thaçit, Kadri Veselit, Jakup Krasniqit dhe Rexhep Selimit, që aktualisht ndodhen në burgun e Hagës, gjyqtari i procedurës paraprake, ka urdhëruar Policinë e Kosovës të sigurojë informacione në lidhje me autorizimet dhe kapacitetet e saj, për të zbatuar kushtet që kanë të bëjnë me lirimin e mundshëm të përkohshëm të tre të arrestuarve. Sipas gjyqtarit të Gjykatës Speciale, Policia duhet t’i ofrojë disa informacione brenda periudhës prej dy javësh, nga njoftimi i përkthimit të këtij urdhri në gjuhën shqipe. Duke pasur parasysh kushtet e propozuara nga të akuzuarit në lidhje me kërkesat e tyre për lirim të përkohshëm dhe pa paragjykuar çdo vendim, që do të merret nga gjyqtari i procedurës paraprake në lidhje me vendimet e kthyera nga Gjykata e Apelit, gjykatësi i procedurës paraprake urdhëron Policinë e Kosovës, sikur nënvizohet më tej në Shtojcën e këtij Urdhri, të sigurojë informacion të tillë të nevojshëm, thuhet në urdhrin e gjyqtarit të procedurës paraprake.
