Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale, në Hagë, ka bërë të ditur se më 10 shtator, trupi gjykues ka pranuar si prova dëshmitë me materiale shoqëruese me shkrim të 9 dëshmitarëve, në çështjen gjyqësore kundër krerëve të UÇK-së. Po ashtu, trupi gjykues ka hedhur poshtë kërkesën në lidhje me dëshmitarin e 10-të, pa paragjykuar të drejtën e prokurorisë për të paraqitur kërkesë për ta thirrur dëshmitarin të dëshmojë në sallën e gjyqit, raporton “Betimi për Drejtësi”. Veç kësaj, më 5 shtator, trupi gjykues ka miratuar kërkesën e prokurorisë për të lejuar pranimin në prova të disa pjesëve të dëshmisë me shkrim të një dëshmitari dhe për ta lejuar atë të dëshmojë nëpërmjet video-konferencës, pasi është më e favorshme për mirëqenien e dëshmitarit dhe ndihmon në kryerjen e shpejtë të procesit gjyqësor, është thënë në njoftimin e Gjykatës Speciale. Trupi gjykues u bind se dhënia e dëshmisë prej tyre nëpërmjet video-konferencës nuk do t’u shkaktojë dëm të akuzuarve dhe kjo është në përputhje me mbrojtjen e efektshme të të drejtave të tyre.
