Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale në Hagë mbahet konferenca për ecurinë e çështjes ndaj krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi. Gjykatësi i procedurës paraprake, ka kërkuar nga Zyra e Prokurorit dhe ekipet e mbrojtjes që të reduktojnë kohën e përcaktuar për paraqitjen e provave dhe pyetjeve të dëshmitarëve, pasi gjykimi ndaj tyre është paraparë të fillojë më 3 prill. Hashim Thaçi, Kadri Veseli, Jakup Krasniqi dhe Rexhep Selimi janë duke e ndjekur konferencën statusore përmes video-lidhjes. Gjykatësi ka thënë se nëse i referohen përllogaritjeve të Zyrës së Prokurorit të Specializuar, atëherë duhen 6 vjet e gjysmë që kjo zyrë të paraqesë provat dhe të marrë në pyetje dëshmitarët, andaj kjo sipas tij është e tepërt. Prokuroria ka thënë se po punon në rishikimin e kohës e paraparë, duke larguar edhe ndonjë prej dëshmitarëve.
