Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale, në Hagë, ka emëruar tre gjyqtarë që do të shqyrtojnë rastin gjuqësor kundër Haxhi Shalës, Ismet Bahtijarit dhe Sabit Januzit. Trupi gjykues përbëhet nga Mappei Veldt-Foglia, Gjilbert Bitti dhe Roland Dekkers, ndërsa Vladimir Mikula do të shërbejë si gjyqtar rezervë. Prokuroria në Hagë ka ngritur aktakuzë me tri pika ndaj Shalës, duke e akuzuar për tentativë pengimi të personave zyrtarë në kryerjen e detyrave të tyre përmes kërcënimeve të rënda, pjesëmarrje në një grup që synonte të pengonte këta persona dhe frikësim gjatë procedurës penale. Shala, megjithatë, ka deklaruar se është “plotësisht i pafajshëm” ndaj këtyre akuzave. Aktakuza kundër tij u konfirmua më 4 dhjetor 2023 nga gjykatësi i procedurës paraprake, dhe ai u arrestua më 11 dhjetor, duke u transferuar në Hagë më 12 dhjetor.
