Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale e Hagës thotë se ka pranuar një sasi provash që lidhen me zonën komanduese të Llapit, përmes të cilave synohet të dëshmohet ekzistenca e një zinxhiri të rregullt komandues në Ushtrinë Çlirimtare të Kosovës. Sipas vendimit të publikuar në faqen zyrtare, mocioni i Prokurorisë është miratuar pjesërisht, duke u pranuar disa dokumente kyçe që përfshijnë: Vendime Emërimi, Dokumente të Regjistrimit, Memorandume, Shabllone, Dokumente Trajnimi, Dokumente Logjistike, Urdhra për Çështje Civile. Një tjetër pjesë e provave përfshin një vizitë të kryer në gusht 1998 nga Hashim Thaçi, Jakup Krasniqi dhe Rexhep Selimi në zonën e Llapit, ku ata dhanë emërime formale për anëtarët e Komandës së Llapit, duke përfshirë Latif Gashin. Paneli i gjyqtarëve ka konstatuar se, pavarësisht mungesës së disa nënshkrimeve, dokumentet përmbajnë simbolet e UÇK-së dhe përmbajtja e tyre tregon origjinën dhe autenticitetin. Prokuroria synon që përmes këtyre provave të argumentojë se UÇK-ja ka vepruar si një ushtri e rregullt me një zinxhir komandues të strukturuar dhe në lidhje të drejtpërdrejtë me Shtabin e Përgjithshëm.
