Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata speciale në Hagë kanë refuzuar kërkesën e Haxhi Shalës për lirim të përkohshëm në Kosovë. Vendimi është marrë më 27 mars 2025 nga gjyqtarja Marijorie Masselot, por u bë publik më 15 prill. Shala kërkoi lirimin për të vizituar një person të sëmurë, por dokumentet e dorëzuara nuk përmbanin të dhëna bindëse mbi gjendjen shëndetësore të tij. Gjithashtu, një nga dokumentet kishte një mospërputhje në datë që nuk u vërtetua me prova shtesë. Si rrjedhojë, u konstatua se nuk kishte rrethana të jashtëzakonshme humanitare që do ta justifikonin lirimin. Shala ishte dënuar më 4 shkurt 2025 me tri vite burg për vepra kundër administrimit të drejtësisë. Ai dhe bashkë të akuzuarit e tij kishin pranuar fajësinë. Ndërkohë, Sabit Januzi dhe Ismet Bahtijari u dënuan me nga dy vite burg, por u liruan me kusht më 21 shkurt 2025.
