Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Themelore në Prishtinë ia ka caktuar masën e paraqitjes në stacionin policor në kohëzgjatje prej një muaji kryetarit të Partisë Socialdemokrate, Dardan Molliqaj. Lajmi u bë i ditur përmes një komunikate për media, ku thuhet se është refuzuar kërkesa e Prokurorisë Themelore në Prishtinë për caktimin e masës së paraburgimit. Gjyqtari i procedurës paraprake kërkesën e prokurorit të shtetit për caktimin e masës së paraburgimit të datës 2 shkurt 2022 kundër të pandehurit Dardan Molliqaj e ka refuzuar si të pa bazuar dhe ndaj të njëjtit ka caktuar masën e paraqitjes në stacionin policor. Masa e paraqitjes në stacionin policor kundër të pandehurit D.M do të llogaritet në kohëzgjatje prej një (1) muaji, duke filluar që nga data 1 shkurti deri më 3 mars 2022, thuhet në komunikatë. Aty bëhet e ditur se gjykata mund të caktoj masën më të rëndë, atë të paraburgimit, nëse i pandehuri shkel masën e shqiptuar.
