Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi Parlamentar i Aleancës për Ardhmërinë e Kosovës ka kritikuar ashpër partinë në pushtet, për bojkotimin e seancave parlamentare dhe mbledhjet e Komisioneve në Kuvendin e Kosovës. Kryetari i GP të AAK-së, Besnik Tahiri në një konferencë për media ka deklaruar se kjo parti ka argumente të plota që e përgënjeshtrojnë qëndrimin e Vetëvendosjes në raport me opozitën dhe veçanërisht me AAK-në për mos votimin e marrëveshjeve ndërkombëtare. Deputeti i kësaj partie, Pal Lekaj theksoi me këtë rast se është shqetësues qëndrimi i shumicës parlamentare për të bojkotuar të gjitha kërkesat e opozitës e në veçanti të Aleancës për Ardhmërinë e Kosovës. Ai ka kërkuar që pozita të jetë kontruktive në Kuvendin e Kosovës, ndërkohë që rikonfirmoi se Grupi Parlamentar i AAK-së ka përkrahur fuqishëm marrëveshjet ndërkombëtare.
