Grupi Punues për Hapjen e të Dhënave u takua të mërkurën

28/09/2016 Institucionet

Grupi Punues për Hapjen e të Dhënave, në takimin e së mërkurës, u mor me hapat që duhet ndërmarrë për hartimin e Planit Kombëtar të Veprimit për Hapjen e të Dhënave.

Në këtë takim, ishte i pranishëm edhe ministri i MAP-it Mahir Yagcilar, i cili para të pranishmëve theksoi se, Qeveria e Republikës së Kosovës, me vendim të veçantë ka miratuar Kartën e Hapjes së të Dhënave në Republikën e Kosovës, ku ka parashtruar edhe përgjegjësitë që parashtrohen për Ministrinë e Administratës Publike, për koordinimin e punës në zbatimin e kësaj karte, nëpërmjet hartimit të Planit Kombëtar të Veprimit. Në këtë kontekst, theksoi ministri Yagcilar, aprovimi i Kartës për të Dhënat e Hapura nga Qeveria e Republikës së Kosovës dhe hapja e punimeve të këtij grupi është një hap i rëndësishëm i Republikës së Kosovës në përafrimin me  komunitetin e demokracive në avancimin e transparencës në qeverisje. Për më tepër, tha ministri Yagcilar, hartimi i këtij Plani Kombëtar është në pajtueshmëri me synimet globale të zhvillimit të qëndrueshëm, për shoqëri të drejta, paqësore dhe gjithëpërfshirëse, si dhe të vlerave që ky synim përfaqëson si fuqizim i qytetarëve dhe promovimin e një kulture globale për të dhënat e hapura.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara