Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Safete Hadergjonaj gjatë shqyrtimit të raportit të punës së Agjencisë për Menaxhimin e Komplekseve Memoriale të Kosovës për vitin 2015, ka deklaruar se 17 vjet pas luftës ka varreza që nuk janë ndërtuar dhe sipas saj, memorialet që janë ndërtuar po shkatërrohen nga mosmirëmbajtja. Grupi parlamentar i PDK-së e ka shqyrtuar këtë raport ka dhënë ka ardhur në përfundim që të përkrahën komisionet jofunksionale dhe të miratohet ky raport. “Nëse shikohet numri i të punësuarve që janë 11, nuk i plotëson kushtet të jetë as departament, me një strukturë të tillë të punësuarve, pasi është e pamundur të arrihen objektivat. “Kompetencat që i ka ky agjencion dhe qëllimi për të cilën është krijuar nuk është realizuar. 17 vite pas luftës ka varreza që nuk janë ndërtuar. Memorialet që janë ndërtuar po shkatërrohen nga mosmirëmbajtja. Dhe shtrohet pyetja pse kemi krijuar këtë Agjencion të pavarur? Nëse agjencioni mbetët kështu, atëherë ky institucion kot është themeluar”, ka thënë Hadërgjonaj.
