Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisari evropian për Zgjerim dhe Fqinjësi, Johannes Hahn deklaroi sot në seancën e Parlamentit Evropian për Kosovën se dialogu ndërmjet Prishtinës dhe Beogradit duhet të vazhdojë, dhe se Kosova duhet të vazhdojë reformat në fushën e sundimit të ligjit, zhvillimit ekonomik dhe edukimit, transmeton KosovaPress. Ai në fjalimin e tij para deputetëve evropianë në Strasburg, tha se zgjedhjet në Kosovë kanë kaluar qetë dhe se kjo është shenjë e pjekurisë demokratike të qytetarëve të Kosovës, të cilët kanë arritur lirshëm të shprehin të drejtën e tyre të votimit. Sipas tij, autoritetet kosovare duhet të zbatojnë reforma, në mënyrë që qytetarët e tyre të fitojnë liberalizimin e vizave. “Kosova duhet të bëhet vend atraktiv për biznes, t’iu sigurojë qytetarëve të saj edukim kualitativ dhe të ulë shkallën e lartë të papunësisë. Qeveria e ardhshme duhet të tregojë përkushtimin e fuqishëm për zgjidhjen e dobësive të sistemit në fushën e sundimit të ligjit, ashtu siç e kemi theksuar në raportimet tona”, ka thënë Hahn. Zyrtari evropian theksoi se Kosova duhet të mbajë hapin me pjesën tjetër të rajonit dhe të nxisë rritjen ekonomike dhe stabilitetin politik, e cila është e domosdoshme për sigurinë e Ballkanit Perëndimor në tërësi
