Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisionari për Politika Fqinjësore Evropiane dhe Negociata të Zgjerimit, Johannes Hahn, pas takimit me liderët e partive politike ka bërë të qartë se pa ratifikimin e Demarkacionit me Malin e Zi nuk ka liberalizim të vizave për Kosovën. Ai ka treguar se në takim me liderët e PDK-së, LDK-së, VV-së, AAK-së dhe Nismës, ka kërkuar nga ta që ta gjejnë një kompromis për këtë çështje. “Patëm pozicione të njohura deri me tash lidhur me procesin e Demarkacionit. Në qoftë se nuk ka demarkacion dhe në qoftë se nuk ka diskutime të mëtutjeshme lidhur me çështjen e demarkacionit, atëherë është e mundshme që liberalizimi i vizave të mos ndodh. Prandaj, është e domosdoshme që të bëhet një marrëveshje. Unë i kam lutur të gjitha partitë politike që të marrin pjesë në mënyrë demokratike në zhvillimin e mëtutjeshme të vendit”. Në takim me komisionarin e BE-së kanë marrë pjesë kryetari i PDK-së, Kadri Veseli, kryetari i LDK-së, Isa Musta, kryetari i VV-së, Visar Ymeri dhe kryetari i Këshillit Kombëtar të Nismës, Jakup Krasniqi.
