leoni

Haliti thotë se do të vazhdojmë të punojmë me të njëjtin përkushtim dhe të ndërtojmë hap pas hapi të ardhmen që ëndërrojmë

10/02/2025 Institucionet

Kryetari i komunës së Vitisë z. Sokol Haliti pas zgjedhjeve Parlamentare të mbajture të dielën, në një postim të tij në facebook ka falënderuar nga zemra të gjithë qytetarët e sidomos aktivistët e LDK-së që me nder dhe me pasion të papërshkrueshëm, luftuan për çdo shpresë dhe për këtë, do të jemi gjithmonë krenarë.

Postimi i plotë

Të dashur qytetarë, të gjithë ju që votuat dje me zemër të hapur dhe ju nga mërgata që pavarësisht largësisë ishit me ne në çdo hap – ju faleminderit nga zemra! Një falënderim i veçantë shkon për të gjithë aktivistët tanë, që me nder dhe me pasion të papërshkrueshëm, luftuan për çdo shpresë. Ju ishit fryma jonë, dhe për këtë, do të jemi gjithmonë krenarë.

Jemi krenarë për mënyrën se si punuam, sepse kjo është rruga që dimë dhe duam: rruga e ndershme, me përkushtim të sinqertë. Çdo hap ishte i bazuar në vlerat që na udhëheqin, edhe pse me keqardhje, rritja jonë nuk ishte e mjaftueshme për të sjellë ndryshimin që dëshironim.

Megjithatë, besojmë me bindje të plotë se çdo përpjekje e sinqertë gjen rrugën e vet drejt suksesit. Do të vazhdojmë të punojmë me të njëjtin përkushtim, të mbrojmë vlerat e Republikës dhe të ndërtojmë hap pas hapi të ardhmen që ëndërrojmë. Koha është me ne.

Sinqerisht, i juaji,

Sokol Haliti.

Kontrolloni gjithashtu

Komuna e Rahovecit publikon programin e aktiviteteve për 17 shkurtin – Dita e Pavarësisë së Kosovës

Komuna e Rahovecit me rastin e shënimit të 17 vjetorit të shpalljes së Pavarësisë së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara