Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vigjilje të shënimit të 22 vjetorit të Radios Kosova e Lirë, ish zëvendës komandanti i Ushtrisë Çlirimtare të Kosovës të zonës Operative të Pashtrikut, Sadik Halitjaha ka vlerësuar lart rolin e këtij mediumi gjatë dhe pas luftës çlirimtare. Në urimin e tij ai ka shkruar se gjatë luftës, Radio Kosova e Lirë ishte zë i shpresës për fitore dhe i vetmi medium që gjatë luftës ishte në shërbim të betejave të shumta e luftës fitimtare. Ishte medium që informonte drejt popullin për luftën çlirimtare dhe përfundimin e saj me sukses si dhe që raportonte për masakrat serbo-sllave kundër popullit shqiptar anekënd Kosovës. Radio Kosova e Lirë vazhdoi të mbetet edhe pas luftës zëri i vetëm i dëshmorëve të kombit dhe amanetit të tyre, i afirmimit të veprimtarisë së dëshmorëve të kombit gjatë të gjitha periudhave dhe kultivimit të vlerave patriotike e humane. Stafit të Radios Kosova e Lirë në krye me profesor Ahmet Qeriqin ju urojmë në emër të luftëtarëve të lirisë dhe familjeve të dëshmorëve suksese të mëtejme në misionin për afirmimin e jetës dhe veprës së dëshmorëve të kombit që dhanë jetën për lirinë e atdheut, ka shkruar në mes tjerash, eprori i shquar i Ushtrisë Çlirimtare të Kosovës, Sadik Halitjaha.
