Hapet aplikimi për subvencionimin e fermerëve

28/02/2023 Institucionet

Drejtori i Drejtorisë së Bujqësisë dhe Pylltarisë në komunën e Ferizajt, Burim Bajrami, përmes një konference për medie ka njoftuar fermerët ferizajas që ka filluar aplikimi për subvencionimin e tyre në lëmine e bujqësisë për vitin 2023. Sipas drejtorit Bajrami, njoftimi për subvencionimin e fermerëve është marrë gjatë ditës së sotme nga Ministria e Bujqësisë Pylltarisë dhe Zhvillimit Rural. “Për dallim nga vitet e kaluara aplikimi për subvencione mund të bëhet vetëm për disa kategori të fermerëve të Komunës sonë dhe gjithë  Republikës së Kosovës. Bëhet fjalë për fermerët që kanë vetëm lopë, që kanë vetëm dele apo dhi, që kanë buallica, bletë apo që kanë pula vojse. Vetëm këto kategori do të fillojnë të aplikojnë për subvencione nga data 28 shkurt të këtij vitit”, ka thënë drejtori Bajrami. Ai tutje ka thënë se fermerët tjerë që kanë më shumë se dy kategori përfshirë këtu lopët dhe sipërfaqet me të mbejullura të kulturave të tjera bujqësore aplikimin do të mund ta bëjnë nga data 17 mars e tutje. Aplikimi mund të bëhet në zyrat e Drejtorisë së Bujqësisë në Ferizaj.

Kontrolloni gjithashtu

Komiteti për Politikë dhe Financa rekomandoi për kuvend projekt buxhetin për vitin 2025

Drejtuar nga kryesuesi i Kuvendit të Komunës së Malishevës, Argjend Thaçi, sot është mbajtur mbledhja …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara