Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një mbrëmje mes miqsh, të ftuar përfaqësues institucionesh, pedagogë dhe dashamirës të artit, gazetarë, kolegë e familjarë, fëmijë e të rritur u hap ekspozita trio “Ekspo TriSAV ” në ambientet e Muzeut Historik Kombëtar.
Ekspozita ishte një bashkim i tre kursanteve të Sidi Education, Alina Buzi, Sara Hysolli dhe Valentina Gaxholli, e quajtur ndryshe me emrin e saj artistik, ValArt.
Prej këtij bashkimi mori jete dhe ideja e emërtimit të ekspozitës treshe së bashku me akronimet e të reja talenteve S – Sarës, A- Alinës dhe V – Valentinës. Ku si element grafik identifikues ishin gjetur 3 petalet e tërfilit, petalia e katërt ishte dedikuar kuratorit të ekspozitës dhe kjo e bënte të veçantë ashtu sikurse është po aq e veçantë dhe gjetja lules së tërfilit me 4 petale.
Ky element ishte si një ogur i mirë e fatsjellës i vajzave i cili u solli një sukses në ballafaqimi e tyre të parë, në një ekspozitë treshe.
Gjatë hapjes së ekspozitës drejtori i Qendrës së Sidi Education, z. Arjan Veliu në fjalën e tij vlerësoi krijimtarinë e nxënseve dhe si një mënyrë motivimi ishte menduar dhënia një medalje “Artistja e së ardhmes” me motivacionin për arritje të shkëlqyera në krijimtari gjatë kursit të pikturës pranë qendrës “Sidi Education” dhe finalizimin me sukses të ekspozitës trio “Ekspo TriSAV”.
Një përshëndetje të veçantë për këtë aktivitet e bëri dhe sociologia e mirënjohur znj. Entela Binjaku ku çmoi punë bërë ndër vite dhe elementet artistik paraqitura në këtë ekspozitë. Gjithashtu inkurajoi vajza që të mos ndalen në ballafaqimin e artit të tyre me kritikën dhe publikun.
Ndërkohë kuratori i ekspozitës njëkohësisht dhe mësuesi i tyre i artit z. Olger’t Rakipllari u shpreh:
– Është një kënaqësi e veçantë, që pas një pune shumë impenjative, disa vjeçare, të shohësh, se si nxënëset e tua të ndërmarin iniciativën të dalin përpara publikut, e të ballafaqohen me krijimtarinë e tyre, me artdashës dhe kritikë të saj.
Bashkimi i tre nxënëseve, Alinës, Sarës dhe Valentinë,s është një bashkim sa i natyrshëm, po aq dhe kompleks.
Natyrshëm sepse talenti, pasioni dhe këmbngulja për t’u rritur profesionalisht i kanë bërë që të punojnë fort dhe të kenë jo vetëm një numër të lartë krijimesh por dhe tepër cilësore nga ana profesionale.
Kompleks, pasi përfaqësojnë tre stade të rëndësishme drejt rrugës së vështirë të artit. Alina me stadin e fillesave të para ku një fëmijë nis të tregoj interesin e parë për artet dhe të shfaqi talentin për artet e bukura. Sara drejt fillimit të edukimit të përgjithshëm artistik me Liceun Artistik dhe Valentina në stadin e tretë atë të përcjelljes së njohurive përmes pedagogjisë speciale, në një fushë shumë të bukur të arteve, që është, ajo e terapisë së artit me fëmijët, me aftësi ndryshe.
Në emër të tre autoreve të ekspozitës i përshëndeti të ftuarit dhe publikun Valentina Gaxholli ku mes emocionesh u shpreh se si lindi bashkëpunimi i natyrshëm mes tyre. Ajo si një mësuese e arsimit special theksoi se arritjet e kësaj ekspozite ia dedikonte fëmijëve me aftësi speciale e veçanërisht vajzës së saj si një nënë e një fëmije po kaq speciale.
Në këtë mbrëmje u ekspozuan për publikun rreth 150 punime në disa fusha dhe teknika të ndryshme artit, si vizatime, piktura, grafika etj.
Nën tingujt e muzikës me violinçelistin Remino Sula, artëdashësit shijuan krijimet artistike pranë ambienteve të Muzeut Historik Kombëtar.
Ekspozita qëndron ende e hapur për publikun e gjerë.
