Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, i është përgjigjur kryeministrit Ramush Haradinaj, i cili ka thënë sa e sa herë se shkëmbimi ose ndarja e Kosovës çon në luftë. Thaçi i tha Haradinajt “nëse do luftë nisja, por jo në studio televizive”. Këto deklarata presidenti Thaçi i bëri gjatë takimit që e pati sot me kreun e PDSH-së, Menduh Thaçi. Ai ka deklaruar se kërkesën për bashkimin Preshevës, Bujanocit e Medvegjës me Kosovën e kanë mbështetur krerët politik të kësaj treve të vendit tonë, duke shtuar se po punon për të institucionalizuar këtë kërkesë, ndërkohë e ka ripërsëritur se nuk do ta lejojë Asociacionin me kompetenca ekzekutive, as Republikën Srpska dhe se Ujmani dhe Trepça do mbesin të Kosovës sikurse janë. Duke komentuar deklaratat e kryeministrit të Kosovës, Ramush Haradinaj, që ka thënë se kufijtë janë bërë me luftë. Kryeministri, Ramush Haradinaj është cituar të ketë deklaruar bashkimi i Preshevës me Kosovën është përrallë pasi Serbia, sipas tij, nuk e jep atë territor pa luftë.
