Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër nga koalicioni PDK-AAK-Nisma, Ramush Haradinaj, ka thënë se Kosova nuk e ka luksin për qeveri të lodhtë apo eksperimentale! “Qytetarët tanë në çdo pëllëmbë të vendit po e kuptojnë dhe mbështesin masovikisht vullnetin tonë të përbashkët për ndryshim pozitiv dhe fuqizim të Kosovës. Këtë mbështetje e gjetëm sot edhe në Shtime e Lipjan. Kosova nuk e ka luksin për qeveri të lodhtë apo eksperimentale”, ka shkruar Haradinaj në rrjetin social. Ai ka thënë se me këtë koalicion Kosova do ta ketë një qeverisje zhvillimore. “Jemi bashkuar e zotuar që Kosovës t’i japim një qeverisje zhvillimore, të përgjegjshme në vendimmarrje, të pakompromis ndaj të këqijave dhe të palëkundshme për interesat e shtetit dhe të mirën e qytetarëve. Kjo do të jetë historia jonë e re e suksesit!”, ka theksuar Haradinaj.
