Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Skandal diplomatik po quhet nga politikanët kosovarë, publikimi i një fotografie nga Komisioneri për Zgjerim i BE-së, Oliver Varhelyi me kryetarin serb, Aleksandar Vuçiq, ku shihet edhe një shkrim “Kosova i Metohija”. Ministrja e Punëve të Jashtme dhe Diasporës së Kosovës, Meliza Haradinaj-Stublla ka thënë se ky është provokim dhe anim nga Varhelyi. “Është përtej skandalit diplomatik dhe më shumë se provokim dhe anim – pritja e Komisionerit për Zgjerim të BE-së z.Olivér Várhelyi, bërë Vuçiqit me ekspozim të qëllimshëm të librave shovinistë, me emra që janë derivat i projeksioneve për spastrim etnik dhe pretendime territoriale ndaj shteteve tashmë të pavarura dhe sovrane.”, ka shkruar ajo sot në Twitter. Ndaj kësaj, ka reaguar shefi i të ashtuquajturës zyrë serbe për Kosovën, Marko Gjuriq, i cili edhe një herë, u kujdes që të provokojë duke e quajtur Kosovën “Kosovo i Metohija”.
