Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Britanisë së Madhe në Kosovë, Jonathan Hargreaves, ka theksuar se familjet e personave të zhdukur gjatë luftës në Kosovë kanë të drejtë të dinë të vërtetën për fatin e të dashurve të tyre. Gjatë Ditës Kombëtare të Personave të Zhdukur me Forcë, Hargreaves shprehu mbështetje për kërkesat e familjeve dhe autoriteteve të Kosovës për gjetjen e të zhdukurve dhe nderimin e kujtimit të tyre. Anëtarët e familjeve të personave të zhdukur, nga të gjitha komunitetet e Kosovës, kanë të drejtë të dinë të vërtetën për fatin e të dashurve të tyre,” tha ambasadori. Lufta në Kosovë, që ka lënë pas mbi 13 mijë të vrarë, gjithashtu ka lënë shumë persona të zhdukur. Aktualisht, sipas të dhënave të Kryqit të Kuq, 1.612 persona janë ende të pagjetur. Gjatë viteve, janë identifikuar disa varreza masive në Kosovë dhe Serbi, ndërkohë që kërkimi dhe identifikimi i trupave ka qenë përgjegjësi e misioneve ndërkombëtare si UNMIK dhe EULEX, si dhe autoriteteve lokale të Kosovës, përfshirë Institutin e Mjekësisë Ligjore.
