Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur në ceremoninë e hapjes së Kampit Veror në gjimnazin “Loyola” në Prizren, Albin Kurti ua kujtoi të pranishmëve se mësimdhënësit dikur kanë rrezikuar jetën e tyre për të shkolluar brezat. Ne kishim mësimdhënës të guximshëm, burra e gra, që rrezikuan jetën e tyre për edukimin e fëmijëve tanë, duke aluduar në mësimdhënësit e sotëm, të cilët ndodhen në grevë dhe duke harruar, apo duke anashkaluar me qëllim se pjesa më ma e madhe e tyre, ata që kanë mbi 55 vjet, sidomos sindikalistët janë pikërisht ata mësues e mësimdhënës që kanë punuar në arsim në vitet 90-të. Kurti harron të përmend edhe faktin se janë më tepër se 350 mësues, arsimtarë e profesorë që kanë rënë dëshmorë në luftën e Ushtrisë Çlirimtare të Kosovës, qindra të tjerë janë plagosur kundër regjimit serb të Millosheviqit, ndërsa mijëra prej tyre kanë marrë pjesë aktive në luftën tonë çlirimtare dhe fitimtare.
