Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi në një postim të tij ka uruar Adem Demaçin në 81 vjetorin e lindjes duke nënvizuar se Demaçi është shembull qytetar dhe ikonë e të gjitha gjeneratave për lirinë dhe pavarësinë e vendit. Simboli i rezistencës sonë kombëtare, baca Adem, sot mbush 81 vjet. Një jetë të tërë ishte ikonë e të gjitha gjeneratave për lirinë dhe pavarësinë e Kosovës. Ndonëse në moshë të shtyrë, ai ende vazhdon të jetë i pathyer dhe shembull si qytetar, si shkrimtar dhe si intelektual. I dëshiroj jetë të gjatë bacës Adem, ka shkruar Thaçi. Edhe Kryeministri i Shqipërisë, Edi Rama, përmes një postimi e ka uruar Simbolin e Rezistencës kombëtare Adem Demaçin, për ditëlindjen e 81-të. Rama e ka cilësuar Demaçin, hero të fjalës së lirë në Kosovë. “Sot, Adem Demaci, heroi i fjalës së lirë në Kosovë, mbush plot 81 vjet. Mirënjohje patriotit dhe humanisti”, ka shkruar Rama në postimin e tij.
