Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Kosovës, Hashim Thaçi i cili gjendet në paraburgim në Gjykatën Speciale në Hagë, i akuzuar gjoja për krime lufte, ka treguar arsyet pse refuzoi të takohet me zyrtarët e Ministrisë së Drejtësisë dhe zonjën Albulenë Haxhiu. Ata nuk erdhën të interesohen për ne, por donin të përdornin takimin me mua, në kulmin e fushatës elektorale, në Kosovë. Qeveria e Kosovës nuk na ndihmoi. Ata mund të na ndihmojnë me qëndrime publike, por pikërisht nga këto qëndrime na kanë dëmtuar sa kanë mundur. Përveç Qeverisë së Shqipërisë, askush nuk na ka ndihmuar”, i ka thënë, Hashim Thaçi gazetarit, Filip Çakuli gjatë një vizite që ai me një gazetar tjetër i ka bërë atij, në njëvjetorin e paraburgimit. Çakuli ka thënë se Hashim Thaçi është i fortë. Ai u shfaq në dhomën e vizitorëve i paprekur nga burgu njëvjeçar, as nga pamje fizike, por as nga informatat e lajmet për atë çfarë ndodhte jashtë burgut. Ai ndihet mirë me vetveten dhe nuk pret ndihmë nga askush, përveçse nga koha, e cila i ka mbetur aleati kryesor.
