Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Jashtëm i Gjermanisë, Heiko Maas në një intervistë për Deutsche Welle, ndër të tjera i vlerëson vendet e Ballkanit për progresin e madh, që sipas tij kanë bërë në vitet e fundit. Gjithnjë e më shumë vende duan të bëhen pjesë e BE. Por bisedimet e anëtarësimit me Shqipërinë dhe Maqedoninë e Veriut kanë ngecur, po ashtu si liberalizimi i vizave me Kosovën. Në Ballkanin Perëndimor flitet për dështimin e gjermanëve, por ata duhet ta ruajnë besimin tek premtimet tona, ndryshe do të heqin dorë nga BE. Ne angazhohemi me tej për një zgjidhje në këtë kontekst, edhe pas presidencës sonë. Indiferenca e ministrit Jashtëm i Gjermanisë, Heiko Maas, fsheh në vete edhe një cinizëm, të pa thënë, por të nënkuptuar sidomos lidhur me liberalizimin e vizave për qytetarët e Kosovës, të cilët ndihen të zhgënjyer, sepse shpresat e vetme i kishin varur te Gjermania. Disa politikanë tanë madje ishin zotuar se liberalizimi i vizave do të ndodh doemos, pasi Presidencën e radhës në BE do ta merrte Gjermania, e cila edhe po të donte nuk do ta arrinte të bënte asgjë pa lejen e Francës dhe të Holandës, dy shtetet që i urrejnë më së shumti shqiptarët e veçmas Kosovën.
