Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidatja nga radhët e Partisë Demokratike të Amerikës, në zgjedhjet për kryetare të vendit, Hillary Clinton ka akuzuar presidentin rus, Vladimir Putin se ka miratuar “ndërhyrjen nga jashtë” në zgjedhjet presidenciale, pasi ai ka thënë se rrjedhjet e fundit të emailave të demokrateve ishin një “shërbim publik”. Putin ka hedhur poshtë akuzat se qeveria ruse qëndron prapa sulmeve kibernetike ndaj demokratëve. Nuk ka rëndësi se kush i ka publikuar, këto të dhëna por gjëja e rëndësishme sipas tij “është se këto të dhëna u janë ofruar publikut”. Zëdhënësi i zonjës Clinton ka thënë se Putini iu ka bashkuar kandidatit, republikan Donald Trump, në përkrahjen e ndërhyrjes nga jashtë në zgjedhjet në SHBA dhe është e qartë se kjo gjë është dizajnuar për t’i shkaktuar dëm politik, Hillary Clinton dhe demokratëve. Kjo është një çështje e sigurisë kombëtare dhe çdo amerikan meriton një përgjigje lidhur me dyshimet që fushata e Trumpit mund të jetë e lidhur me Kremlinin, ka thënë zëdhënësi.
