Homazhe dhe nderime në Gllogjan, në 23 vjetorin e Epopesë së Dukagjinit dhe në kujtim të përhershëm e mirënjohje në 22 vjetorin e fillimit të bombardimeve të NATO-s

24/03/2021 Institucionet

Kryetari i komunës së Rahovecit Smajl Latifi në 23 vjetorin e ,,Epopesë së Dukagjinit” ka bërë homazhe dhe vendosur lule tek varrezat e dëshmorëve në Gllogjan. Ai me këtë rast në statusin e tij në facebook ka shkruar: 24 marsi 1998 i Gllogjanit të Dukagjinit, i dha kuptim dhe shpirt vazhdimësisë së rezistencës heroike dhe flijimit të madh për liri të familjes Jashari nga Prekazi i Drenicës. Haradinajt po i jepnin shpresë vazhdimit të kryengritjes çlirimtare, duke i dhënë goditje dhe grusht të fortë pushtuesve serb që ishin vërsulur në sulm e me forca të mëdha kundër Gllogjanit. Lufta vazhdoi në Dukagjin e në tërë Kosovën. Epopeja e Dukagjinit dhe sakrificat e vazhdueshme e luftëtarëve të rënë në logun e trimërisë në përballje me pushtuesit serb, bënë që lufta jonë për lirinë e Kosovës e udhëhequr nga UÇK-ja, të jetë e ashpër dhe heroike. Lufta për çlirim nisi suksesshëm me 24 mars 1998 në Gllogjan e në Rrafshin e Dukagjinit, luftë çlirimtare e cila u përhap gjithandej në tërë Kosovën, ku heroizmi i burrave dhe grave e i gjithë liridashësve shqiptar, u bë faktor përcaktues në përfshirjen e NATO-s, një vit më vonë, pikërisht më 24 mars 1999, që të bombardoi caqet e okupatorëve serb për 78 ditë pandërprerë. Derisa Kosovës së përgjakur po i vinte liria pas shumë vuajtjesh e sakrificash të mëdha, Serbisë pushtuese po i vinte fundi, duke lënë pas gjurmët e krimit dhe gjenocidit në këto troje. E përjetshme është vepra e dëshmorëve të rënë në betejën e Gllogjanit, me 24 mars 1998, Himë Haradinaj, Agron Mehmetaj dhe Gazmend Mehmetaj! Lavdi të gjithë dëshmorëve të kombit! Ka thënë mes tjerash kryetari Latifi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara