Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ushtruesi i detyrës së kryetarit të Partisë Demokratike të Kosovës, Enver Hoxhaj e ka vlerësuar si të pavlefshëm vendimin e Degës së Drenasit për ta kandiduar Driton Ajazin për kryetar të Komunës. Në komunikatën për medie të lëshuar nga Partia Demokratike e Kosovës thuhet se në zgjedhjet lokale të vjeshtës do të rikandidojë të gjithë kryetarët e komunave në të cilat qeverisë ajo. “Partia Demokratike e Kosovës, respektivisht kryesia qendrore, ka qenë më se e qartë në janar të këtij viti kur ka vendosur publikisht që të rikandidojë të gjithë kryetarët e komunave në të cilat qeverisë ajo. PDK vlerëson punën e secilës Degë në të gjitha komunat e vendit, iniciativat dhe përkushtimin rreth mobilizimit të strukturave të saj për të përgatitur ofertat më të mira për qytetarët e Kosovës, por, sa i përket komunave ku PDK udhëheqë, Kryesia Qendrore tashmë ka thënë fjalën e saj përfundimtare”, përfundon komunikata e PDK-së. Ky reagim i Partisë Demokratike të Kosovës vjen pas vendimit të e Degës së Partisë Demokratike në Drenas, strukturat e së cilës kanë vendosur që Driton Ajazi të jetë kandidat për kryetar të Komunës së Drenasit në zgjedhjet lokale të cilat do të mbahen këtë vit.
