Humanisti Halim Hoti, ndihmon 100 familje malishevase me pako të kompletuara ushqimore dhe higjienike

21/05/2020 Institucionet

Mërgimtari nga Carralluka e Malishevës, Halim Hoti, i njohur edhe si një humanist i madh, i cili punon dhe jeton në Suedi, ka sjellë një donacion prej 100 pakove të kompletuara me miell, ushqime dhe higjienë, për 100 familje në nevojë në Komunën e Malishevës. Humanisti Hoti, donacionin e ka dërguar në shtabin komunal emergjent dhe përmes shtabit, këto ndihma do të shpërndahen për familjet që kanë nevojë, bazuar në të dhënat e skemës sociale dhe bazuar në kërkesat e kryetarëve të fshatrave. Këto ndihma, në emër të shtabit i kanë pranuar drejtorët përgjegjës i drejtorisë për mirëqenie sociale, Liridon Hoti dhe ai i emergjencave, Valon Gashi, sipas të cilëve, ndihmat do t’iu jepen familjeve në nevojë, bazuar në evidencat e drejtorive përkatëse, të cilët gjatë gjithë situatës pandemike, janë marrë me mirëqenien e banorëve të Komunës së Malishevës. Këto ndihma, janë të mirëseardhura në këtë moment, pasi jemi edhe në prag të festës së Bajramit dhe familjet në nevojë, nuk do ta kenë asnjë mungesë në këtë festë, por edhe gjatë kësaj situate pandemike që jemi duke kaluar, nuk do të ju mungojë asgjë. Me këtë rast, edhe kryetari i Komunës së Malishevës, Ragip Begaj, e ka falënderuar humanistin Halim Hoti, i cili, jo vetëm sot, por në vazhdimësi është përkujdesur për familjet në nevojë, por edhe për kategoritë e tjera shoqërore, duke ju dalë në ndihmë, në të gjitha format e mundshme.

Kontrolloni gjithashtu

Kryetari Aliu vizitoi Qendrën Kryesore të Mjekësisë Familjare

Kryetari i Komunës së Ferizajt, z. Agim Aliu i shoqëruar nga drejtori i Shëndetësisë dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara