Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shoqatës së të Burgosurve Politikë të Kosovës, veprimtari i njohur, politikani shumëvjeçar dhe ish i burgosuri politik, Hydajet Hyseni, më në fund fitoi vendin e deputetit në radhët e Lëvizjes Vetëvendosje. Ai me tetë deputetë të tjerë zëvendësuan ministrat e kabinetit Kurti. Duke marrë parasysh se zëvendësimi bëhet në bazë të deputetit i cili është votuar më së shumti fillimisht dhe gjinia si kriter i dytë, këta janë deputetët të cilët do të zëvendësojnë ministrat e zgjedhur:
ENVER HALITI M 7 492
SHQIPE ISUFI F 7 481
MIRSAD SHKRETA M 7 370
GRAMOS AGUSHOLLI M 6 740
ALBAN BAJRAMI M 6 631
JAHJA KOKAJ M 6 485
HYDAJET HYSENI KALOSHI M 6 339
YLLZA HOTI F 5 929
GRESA BYTYQI KELMENDI F 5 334.
Hydajet Hyseni, dikur, në zgjedhjet e përgjithshme kishte marrë mijëra vota në Lidhjen Demokratike të Kosovës, më vonë po ashtu kishte qenë ndër më të votuarit edhe në Partinë Demokratike të Kosovës, ndërsa në Lëvizjen Vetëvendosje ndodhej në radhët e fundit, në tri zgjedhjet paraprake parlamentare. Megjithatë, tani ka siguruar një ulëse në Kuvendin e Kosovës, bashkë me disa ish të burgosur politikë, si Gani Krasniqi, Fatmir Humolli e ndonjë tjetër.
Ajo që bie në sy është fakti se të gjithë ish të burgosurit politikë që militojnë në Vetëvendosje, të gjithë tok, nuk kanë marrë vota, as sa një deputet me prejardhje nga koha e bashkim-vëllazërimit, tani zyrtar aktual në Qeverinë e Kosovës, apo deputet në Kuvend. (RKL)
