Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës, Hykmete Bajrami, ka prezantuar shifrat e inflacionit gjatë tre viteve të fundit të qeverisjes së Albin Kurtit, duke theksuar se ndikimi total i inflacionit arrin në 1.6 miliardë euro. Inflacioni në vitin 2020 ishte praktikisht i pandjeshëm, me një normë prej 0.2%. Sipas saj, inflacioni në vitin 2021 arriti në 3.4%, në vitin 2022 u rrit në 11.6%, dhe në vitin 2023 ra në 4.9%. “Kur duan të paraqesin shifra të mëdha, thonë se ekonominë e kemi pasur 7 miliardë dhe e kemi bërë 10 miliardë, por nuk llogaritet kështu. Rritja ekonomike nuk llogaritet kështu,” tha Bajrami. Ajo sqaroi se rritja e çmimeve nuk nënkupton rritjen e sasisë së mallrave dhe shërbimeve, por vetëm rritjen e çmimeve. Sipas saj, ndikimi i inflacionit në vitin 2021 ishte 230 milionë euro, në vitin 2022 ishte 923 milionë euro, dhe në vitin 2023, 437 milionë euro. Në total, ndikimi i inflacionit gjatë tre viteve të qeverisë Kurti ka arritur në 1.6 miliardë euro, duke theksuar nevojën për një qasje më të mirë në menaxhimin e ekonomisë.
