Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova po përballet me një përkeqësim të mëtejshëm të bilancit të saj tregtar në fillim të vitit 2025, pasi eksportet e vendit kanë shënuar rënie krahasuar me të njëjtën periudhë të vitit të kaluar, ndërsa deficitit tregtar po vazhdon të rritet. Sipas të dhënave të publikuara nga Agjencia e Statistikave të Kosovës, deficiti tregtar i Kosovës ka arritur në 414,1 milionë euro gjatë muajit janar 2025, një rritje prej 29,6% krahasuar me të njëjtën periudhë të vitit 2024. Ky rritje e deficitit është pasojë e një rënieje të eksporteve, të cilat për janar arritën në 59,7 milionë euro, duke shënuar një rënie prej 1,1% krahasuar me vitin e kaluar. Në të njëjtën kohë, importet janë rritur në mënyrë të ndjeshme, duke arritur në 473,8 milionë euro, një rritje prej 24,7% krahasuar me vitin e kaluar. Rritja e deficitit tregtar ka vazhduar edhe në muajin shkurt 2025, ku ai ka arritur në 451,4 milionë euro, një rritje prej 13,6% krahasuar me shkurtin e vitit 2024. Eksportet për këtë muaj kanë pësuar një rënie prej 4,3%, duke arritur në 67,3 milionë euro, ndërsa importet janë rritur dhe kanë arritur në 518,6 milionë euro, një rritje prej 10,9% krahasuar me vitin e kaluar.
