Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës, Hykmete Bajrami, ka deklaruar se partia e saj nuk është e gatshme të hyjë në marrëveshje politike me Lëvizjen Vetëvendosje , duke e përjashtuar mundësinë e mbështetjes së ndonjë kandidati të saj për kryetar të Kuvendit. Ne e kemi thënë disa herë se nuk jemi të gatshëm për marrëveshje politike. Kryetari i Kuvendit zgjidhet në dy forma: ose me marrëveshje politike ose me një kandidat të pranueshëm për të gjithë”, tha Bajrami pas seancës plenare të 23 prillit, në të cilën LV-ja përsëri dështoi ta kalojë kandidaturën e Albulena Haxhiut. Ajo u shpreh kategorike se LDK-ja nuk do ta mbështesë “asnjë kandidat” nga radhët e LV-së, duke përmendur si arsye historinë e veprimeve të kësaj partie. Sipas saj, LV ka vazhduar të mbajë peng institucionet edhe pas betimit si deputetë, gjë që sipas saj përbën shkelje të betimit dhe të Kushtetutës.
