Hyn në fuqi Udhëzimi Administrativ për Punën Vullnetare të të Rinjve

05/12/2016 Institucionet

Me rastin e Ditës Ndërkombëtare të Punës Vullnetare e cila mbahet në tërë botën, është nënshkruar Udhëzimi Administrativ për Punën Vullnetare të të Rinjve që është produkt i Ligjit për Fuqizim dhe Pjesëmarrje të Rinisë, plotësim-ndryshimet e të cilit janë implementuar nga Ministria e Kulturës, Rinisë dhe Sportit, përkrahur nga Misioni i OSBE-së në Kosovë si dhe Zyra e UNICEF-it në Kosovë.

Gjatë ceremonisë së mbajtur në Bibliotekën Kombëtare, zëvendësministri Hoti, duke folur për këtë udhëzim i cili nga e hëna hyri në fuqi, tha se ai është tepër i rëndësishëm ngaqë njeh statutin dhe të drejtat e punës vullnetare të të rinjve.

Duke folur për punën vullnetare në Kosovë, zëvendësministri theksoi se Kosova ka traditë në këtë drejtim qysh nga vitet 90’ ku ka dëshmuar praktikë të mirë të vullnetarizmit në fusha të ndryshme, sidomos në arsim.

Hoti tha se bashkë me shoqërinë civile, do të punojnë në hartimin e Draft Ligjit për vullnetarët.

Kurse, Jan Braathu, shefi i Misionit të OSBE-së në Kosovë, njëherit ish ambasador mbështeti konceptin e zëvendësministrit Hoti sa i përket vullnetarizmit të hershëm të Kosovës duke e vlerësuar atë si tepër të rëndësishëm.

Ndërkaq, teksa foli për Udhëzimin Administrativ, Braathu tha se kjo ngjarje është gjithashtu një mundësi për OSBE-në për të ri-afirmuar interesin e saj të fortë për vazhdimin e punës në fushën e vullnetarizmit rinor.

Braathu u shpreh se OSBE-ja do të mbetet e angazhuar për fuqizimin e të rinjve dhe pjesëmarrjen publike në përgjithësi në Kosovë.

Tutje, James Mugaju, shef i Zyrës së UNICEF-it në Kosovë tha se kjo platformë kontribuon në një tranzicion më të mirë prej shkollës në punë, dhe bën rritjen e mundësive profesionale për të rinjtë.

Ai tha se mundësitë për vullnetarizëm janë biletë për një jetë më të mirë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara