Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Punëve të Brendshme ka hapur sot fushatën e vetëdijesimit për parandalimin e migrimit të paligjshëm të qytetarëve të Kosovës. Me këtë rast ministri, Skender Hyseni tha se kohët e fundit vendi ynë u përcoll nga shpërthimi i një migrimi të paligjshëm. Sipas tij, kanali me efekt anësor për Kosovën ishte Serbia, por, MPB mbetet e mobilizuar që mos të përsëritet ajo valë migrimi. Hyseni tha se Kosova ka përmbushur shumë kritere për liberalizim të vizave dhe vetëm njëra nga to ka mbetur ende pa u plotësuar e që është ratifikimi i Demarkacionit me Malin e Zi për të cilin tha se do të bëhet shumë shpejt. Shefja e Zyrës së Bashkimit Evropian në Kosove Natalia Apostolova tha se 70 mijë qytetarë të Kosovës kanë kërkuar azil në shtetet e Evropës gjatë vitit 2014. Sipas saj ky numër është zbritur në vitin 2016, por, kjo tregon se ka ende sfida për t’u integruar në Bashkimin Evropian.
