Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësi i fushës së sigurisë, Nuredin Ibishi ka deklaruar se Serbia po vazhdon të armatoset vazhdimisht nga shtete të ndryshme dhe kjo mund të jetë e rrezikshme për Ballkanin. “Edhe nga vendet perëndimore edhe vendet e rajonit por edhe nga Rusia, Kina, Turqia, Bjellorusia. Kështu që ata kanë arritur ta kalojnë edhe 2 për qind e bruto-produktit vendor, edhe armatosja e tyre po vazhdon, tash së fundmi pas Vitit të Ri ishte edhe një prezantim gjegjësisht një demonstrim i njësitit 74 i veprimeve speciale të ushtrisë serbe dhe aty u demonstrua edhe një armatim kinse ‘vrasësi i tankeve’ prodhim Rus. Kjo rrezikon praninë ndërkombëtare ushtarake KFOR-in. Ne duhet t’i adresojmë këto kërcënime nëpërmjet Bashkimit Evropian, por edhe Kombeve të Bashkuara dhe ShBA-së me qëllim që ata të reagojnë për shkak të një debalanci rajonal. Kur është në pyetje Kosova për armatosjen apo pajisjen më të vogël ngrihen çështje prej më të ndryshmeve. Ndërsa Serbia shfrytëzon neutralitetin ndaj NATO-së dhe Rusisë dhe ajo armatoset nga të gjitha shtetet” ka deklaruar për “Ekonomia Online” eksperti i sigurisë, Nuredin Ibishi.
