Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përvjetorin e 18-të të rënies dëshmor të Qamil Ilazit, kryetari i Kaçanikut Besim Ilazi, i biri i Komandant Bardhit, në një prononcim për Radion Kosova e Lirë tha se në këtë ditë përkujtimi për komandant Bardhin ndjehemi shumë krenar, sespe ai sikur edhe dëshmorët e tjerë më shumë i takon popullit të Kaçanikut e të Kosovës, sesa familjes. Dëshmorët na lanë krenarinë dhe lavdinë, neve na mbetet ta qojmë amanetin në vend. Kosova ka mundësi e fuqi që atë amanet ta qoj në vend. Ish-zëvendëskomandanti i Brigadës 162 të Zonës Operative të Neredimës, Hajrush Kurtaj, për Televizioni Dielli tha: në përvjetorin e 18-të, të rënies heroike të komandant Bardhit, ne kujtojmë komandantin edhe Brigadën 162 “Agim Bajrami”, e cila zhvilloi shumë beteja, nëpër të cilat ranë 95 dëshmorë, e 157 ,martirë. Qamil Ilazi- Komandant Bardhi, ishte ai që organizoi e zhvilloi shumë luftëra deri në ditën e rënies heroike të luftës në Kaçanik me 14 maj 1999 tha mes tjerash, ish-zëvendës-komandanti i Brigadës 162 të Zonës Operative të Neredimës, Hajrush Kurtaj.
