Ilir Meta e dekreton propozimin e kryeministrit Edi Rama për ministër të Brendshëm, Sandër Lleshi

Kryetari i Republikës së Shqipërisë, Ilir Meta, ka dekretuar propozimin e kryeministrit Edi Rama për ministër të Brendshëm, Sandër Lleshi. Kjo është hera e dytë që kryeministri Edi Rama çon për dekretim emrin e Lleshajt dhe më herët Meta kishte thënë se do të respektonte afatin e përcaktuar në Kushtetutë. Dekretimi u paralajmërua në mesditë, pasi Kryetari pranoi dorëheqjen e gjeneral Sandër Lleshajt si ushtarak aktiv. Statusi i ushtarakut aktiv të Lleshajt ishte edhe pengesa kushtetuese për mosdekretimin e emrit të tij si ministër nga presidenti Ilir Meta. Vetë kreu i shtetit e kishte konsideruar si problematikë themelore kushtetuese propozimin për Lleshajn për shkak të statusit të ushtarakut aktiv. Ndërsa pas ç’dekretimit si ushtarak aktiv e firmosi emërimin e dekretit si ministër i Brendshëm. Ndërkohë, një ditë më parë Meta deklaroi se e njeh shumë mirë Kushtetutën e vendit në lidhje me dekretimin e ministrave dhe asnjë lloj presioni nuk mund të ndikojë tek ai për të shkelur Kushtetutën.