Iniciativa Global Engineer Girls Fiton Çmimin e Partneritetit për qëndrueshmëri 2024  

12/12/2024 Institucionet

Iniciativa u nderua në kategorinë “Njerëzit” të Çmimit të Partneritetit për Qëndrueshmëri 2024, organizuar nga Kompakti Global i Kombeve të Bashkuara (UNGC).

Global Engineer Girls (GEG), e lansuar fillimisht si Vajzat Inxhiniere të Turqisë (TMK), është njohur ndërkombëtarisht për suksesin e saj gjatë nëntë viteve të fundit, pjesë e të cilës është edhe GEG Kosovo. Iniciativa u nderua në kategorinë “Njerëzit” të Çmimit të Partneritetit për Qëndrueshmëri 2024, organizuar nga Kompakti Global i Kombeve të Bashkuara (UNGC).

I projektuar për të rritur pjesëmarrjen e grave në fushat inxhinierike ku përfaqësimi i tyre është tradicionalisht i ulët, iniciativa synon të nxisë punësimin e grave të kualifikuara. Ky çmim prestigjioz nënvizon ndikimin e GEG në avancimin e roleve të grave në sektorin e inxhinierisë dhe kontributin në qëllimet e zhvillimit të qëndrueshëm.

Kjo iniciativë me rritje të shpejtë, e cila ka arritur njohje globale, vazhdon të fuqizojë gratë në inxhinieri, duke zgjeruar gjithashtu shtrirjen e saj për të frymëzuar një audiencë më të madhe. Çmimi është një dëshmi e përpjekjeve të projektit për të forcuar vendin e grave në industrinë e inxhinierisë dhe për të mbështetur zhvillimin e qëndrueshëm në mbarë botën.

Tani, Iniciativa GEG Kosovo sapo ka rekrutuar gjeneraten e 3-të të studenteve në fushat e inxhinierisë duke rritur numrin total të studenteve në 67 në Kosovë ndërsa globalisht kjo iniciativë numëron mbi 1400 studente përfituese të programit global.

Këto studente janë përfituese të trajnimeve digjitale, trajnime tjera profesionale, trajime për Gjuhë Angleze, Bursa, Mentorim, Praktikë dhe Mundesi Punesimi.

GEG Kosovo së fundi ka pranuar edhe çmimin nga CSR Network Kosovo “Fuqizimi i Gruas” përmes edukimit dhe aftësimit të studenteve vajza në fushat e inxhinierisë.

Kontrolloni gjithashtu

Kryetari Aliu vizitoi Shoqatën “Çamëria”

Kryetari i Komunës së Ferizajt, z. Agim Aliu të mërkurën është pritur në takim nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara